Messi leh Roccuzzo te hi naupang te an nih lai atanga inhria an ni kan ti fo a, amaherawh chu Lionel Messi nupui ni ta Antonella Rocuzzo chuan Messi a neih hma hian ngaihzawng dang a lo nei a, a bialpa hlui hian an  inthenchhan vel online lamah a sawi chhuak. 

Messi leh Roccuzzo te hi naupang te an nih laia atanga inhria chua an ni a, kum 10 mi vel leh a nih lai atangin. Amaherawhchu, Roccuzzo thian hnai tak pakhat chuan 2007 atanga khan an inkar hi an la thutak chauh tih a sawichhuak.

He inlaichianna thuk tak an neih hma hian Antonella hian midang pakhat ngaihzawng a lo nei. He pa hian tualchhung chanchinbu pakhatah a lo sawi tawh a, an inkar tawp ta chu a la na lutuk hran lo niin a sawi bawk.
Antonella bialpa hlui chuan, "Min ban, mahse, min kalsan chhan turah khan han puh tur dang a awm lo, Messi avangin min ban a ni ber," tiin a sawi . 

Messi leh Roccuzzo te hi Roccuzzo cousin, Luca Scaglia inhmelhriattir an ni a, ani hian a sawi danin Messi hian, "Saw saw tunge," tiin min zawt. Messi hian lehkha a lo thawn a, chutah chuan, "Engtik ni-ah emaw chuan bialnu leh bialpa kan la ni ang tih a ziak a ni," tiin a sawi.

Amaherawhchu Messi hian Rosario chhuahsanin Spain a pan a, a football zinkawng a zawh chho a, an awmhran hnu hian amah leh Roccuzzo inkar hi a tha reng bik lo a nih ngei a rinawm a, mipa dang a lo kawp san ta daih a ni.

Messi hi Argentina-a a kir leh tih a hriat hnuah Antonella hian a bialpa hi a kalsan ve leh ta mai niin a thiante chuan an sawi a, Messi nena an inkar hi a siamtha leh ta a ni. Roccuzzo thian hnai tak pakhat a sawi danin, Frindship Day hman ni July 20, 2007 khan an inkawp tan a ni awm e.

Antonela thiannu chuan, "Kan tih thin fo angin kan inhmukhawm a, Leo pek Blackberry chu a rawn phawh a. Thil dang engmah a sawi chuang lo, mahse, an lo inhmu fo thin tih chu kan ring nghal thiam mai a ni," a ti.

Kum 10 zet an inzui hnuah Messi leh Roccuzzo te hi July 2017 khan an innei a, fa pathum - Thiago, Mateo leh Ciro te an nei tawh a ni.