Messi kan hria a, Ronaldo pawh kan hria. Khelmual chhunga an thil tih theih pawh kan hria.  Mahse, superstar pahnih hi team khatah awmin an la khel dun ngai lo va, an khelh dun theihna turin French club hausa Paris Saint-Germain chuan Manchester United tana khel mek Cristiano Ronaldo chu nipui bazar-ah lei chhuah tumin an dawr dawn niin an sawi. PSG-ah hian Messi bakah Neymar leh Mbappe te an awm bawk a ni.

Player manto ber ni turin Neymar chu euro maktaduai 200-in an lei chhuak tawh a, rin loh deuhin nikum khan PSG hian Barcelona a khel mek Lionel Messi chu an lei chhuak leh thut. Tunah Ronaldo lei an inbeisei leh a, an duh chuan an lei thei ngeiin a rinawm. 

Old Trafford lama kir hlim Ronaldo hi tun hnai hian club lamah a hlim tawk lo deuh nia sawi a awm bakah a contract a zo mai tawh dawn a, hei vang hian club dang khelhna tur a melh nia sawi a awm bawk.