ZALEN November 21, 2025: Mizoram Police chuan ruihhlo engemawzat nizan leh vawiin khan an man a, an thil man hi Methamphetamine vaibelchhe 39.39 man hu leh Heroin hawng 89 cheng 2,25,20,000 man hu chu Zemabawk-ah leh Saitual district-ah an man.

Ni 20.11.2025, Ningani zan dar 10:30 vel khan Mizoram Police hnuaia CID (Special Branch) team te chuan Methamphetamine, Kg 49.244 a rit, cheng vaibelchhe ₹39.39 man hu chu lirthei lian 12-wheeler TATA truck, Registration Number AS-01-FC-7586 atangin, Zemabawk Tawngtai Mual, Berawlui, Aizawl bulah an man.

Special Narcotics PS-ah thubuai, Case No. 37/2025, Sections 22(c), 25, and 27 of the NDPS Act, 1985 hnuaiah ziahluh nghal a ni a, he thila inhnamhnawih mi pahnih - Atabur Rahman Mazumder (45), s/o Mujamil Ali Mazumder leh Abdur Rahman Chowdhury (29), s/o Abdul Motlib Chowdhury, Hailakandi, Assam nia inchhal ve ve man nghal an ni bawk. Ngawrh taka a kaihhnawih awmte chhui zui mek a ni.

Vawiin khan Saitual Police te chuan heroin Kg 1.12 (Hawng 89), Rs. 22,520,000 man hu chu lirthei pakhat (Wagon R) Registration No. AS 01 EZ 5797, Manipur tanga Aizawl lam pan, Jamminlal Touthang (28) s/o Seikhohao Touthang khalh atangin an man. Saitual PS Case No.92/2025 dt.21.11.2025 u/s 21(c)/25/29 ND&PS Act ziahluh nghal a ni.