Aizawl: Synod Social Front (SSF) zirchianna tarlan danin Aizawl leh Champhai district ah ruihhlo chi khat Methamphetamine ti thin mi 52 an awm a, an zinga 2 chuan a ngawl an vei. Synod Social Front zirchianna tarlan dan chuan Meth ti thin te kum chawhrual hi kum 30 a ni a, heng mite hian a zukin an zu ber a, a lawnga ei ve tawp pawh an awm bawk. Meth ti thinte hian damdawi hnathawh vangin riltam, mutchhuak, hah leh chauh an hre lova, mahse damdawi hnathawh a reh hnuah chuan chau ngawih ngawih, thil ei thei lo leh mu theilo ten an awm a. An taksa an thunun thei lo a, chawlh hahdam an duh pawhin chawl thei lovin an taksa chu a za zek zek mai thin niin an sawi.