ZALEN November 20, 2024 : Mizoram Football Association chuan Mizoram Premier League season-11 ah dan phalloh match fixing vangin Nov 4, 2024 khan clubs pathum, officials pathum leh players 24 lo hrem tawhin vawiin khan players pariat an hrem belh.

Mizoram Football Association (MFA) thuchhuah siamin Football zahawmna humhim a nih theihna atâna hma a lâk chhohna kawngah Mizoram Premier League - 11 a Football zahawmna tibawrhbângtu player te, official te leh Football Club chungah thununna a lo lek tawh a.

Thil dik lo zawn chhuah kawnga Mizoram Football Association thawhpui a, thlâwp tlat tute leh kan player ten thu dik puang chhuak a, game in hma a sawn nâna kan hmalakna min ṭanpuina zarah, Football zahawmna leh thianghlimna tihbawrhbân kawnga player inhnamhnawih hriat belh zel a ni. Heng Player te chunga thununna lek a ngai chhunzawm ta zel hi pawi kan ti tak zet an ti.

MFA chuan Mizoram football hmasawn zêlna atân Footballer te leh mitin thawhho puiah an sawm nawn leh a ni.

Players hrem thar te :-

1. Zawnhmingthanga, FC Bethlehem

2. Jones Lalṭhakima, Ramhlun Athletic FC

3. Isak Vanlalpeka, Ramhlun Athletic FC

4. Ramdinmawia Hnamte, Ramhlun Athletic FC

5. Letminlun Singson, Ramhlun Athletic FC

6. Yamy Longvah, Ramhlun Athletic FC

7. Omega Vanlalhruaitluanga, Chawnpui FC

8. Rohlupuia, FC Bethlehem