Aizawl: Kum 2015-2016 chhung khan Mizoram Health Care Society hnuaiah damlo inenkawlna senso Rs. 21,42,99,586 pekchhuah a ni a, heng zinga Rs. 12,80,26,231 hi Mizoram State Health Care Scheme atangin a ni a, a dang Rs. 8,62,73,355 hi RSBY (Rashtriya Swasthya Bima Yojana) atangin a ni. Mizoram State Health Care Society thawktute hnen atanga Zalen thudawn danin RSBY bikah hian nikum chhung khan chhungkaw 152983 ziah-luh an niin heng zinga chhungkaw 16622 hnen atangin inenkawlna bill hi a lut a. MHCS ah hian chhungkaw 116322 ziahluh an niin chhungkaw 5258 te hnen atangin dilna an dawng tih an sawi. Kumin 2016-17 ah hian RSBY ah chuan chhung-kaw 244280 ziahluh an tum laiin chhungkaw 194886 an ziaklut a, hei hi 80% vel a ni tiin India ram pum ngaihtuah chuan a tha pawl niin an sawi. Zalen zawhna chhangin MHCS thawktute chuan RSBY inziahluh hna hi February thla atanga May thla chhung khan an thawk a, a bikin khawthlang lam kalpawh harsat-na khua te a awm avang leh hmanrua indaihloh avangin 100% ziahluh a harsa niin an sawi. Zalen zawhna chhang-in Mizoram State Health Care Society thawktute chuan damlote bill chu an dawn atanga kar 3/4 chhungin an peihfel hman deuh zel tih an sawi a. Mi thenkhat ten bill a chuah har nia an sawi chu damdawiin thenkhat atanga MHCS ah an pek tlai thin vang leh bill an peih hnuah pawh dam-dawi in thenkhatin an pekchhuah mai loh vang nia an hriat thu an sawi. MHCS thawktute chuan mipuiin Health Care Scheme leh RSBY a inziahluh chu ngai pawi-mawh se an duh tih Zalen an hrilh bawk a, ‘mi tam takin damlohna leh buai-na an tawh hnuah inziah-luh thar an dil thin a, engkim tihfel a nih tawh avangin a buaithlak tawh thin a ni,’ an ti. State Referral Hospital, Falkawn a RSBY hman theih loh thin chu August 2016 atangin a hman theih tawh tih Zalen an hrilh a, hman har anih chhan chu RSBY enkawl-tu Labour Ministry in Health Ministry a RSBY an hlan tak avang leh insurance buaipuitu Company te an muanchan deuh vang niin an sawi.