Aizawl; Mizoram State Health Care Society (MHCS) chuan a dintirh atangin damlote inenkawlna senso phu-hrukna atan sum Rs. 245,480,358.00 a pechhuak tawh a, heng zinga Rs. 14,43,15,252 hi Health Care Scheme atanga pek a ni a, a dang Rs. 10,11,65,106 hi RSBY atanga pek a ni. Mizoram State Health Care Society hnen atanga Zalen thudawn danin, an hnen atang hian Mizoram State Health Care Scheme hnuaiah sorkar hnathawk awmlohna chhungkua ten Medical Re-imbursement an dawn ve theihna turin kum 2011 August atangin bultan a ni a, he scheme hnuaiah hian kum 2011-2012 ah chhungkaw 31938 inziaklutin an zinga chhungkaw 27383 chu BPL an ni a, APL (above poverty line) chhungkua 4555 an awm bawk. Hemi kum chhung hian chhungkaw 4219 hnen atangin bill Rs. 824,39,393 dawn a ni a, an zinga 3853 chu pawm a niin hnawl 366 a awm bawk a, a vaia sum an pekchhuah chu Rs. 608,50,947 a tling a ni. Mizoram State Health Care Scheme hnuaiah vek hian kum 2013-2014 February thla thleng khan chhungkua 32938 an inziaklut a, an zinga 5555 chu APL chhungkua an ni. Hemi kum chhung hian chhungkaw 5460 hnen atangin MR Bill an dawng a, an dawn zinga 5090 chu pawmin hnawl 188 a awm bawk a. An pawm 5090 te hnena sum an pekchhuah chu Rs. 834,64,305 a ni a, tunah hian mi 182 te bill Rs. 62,85,950 chu buaipui mek a ni. Rashtriya Swasthya Bima Yojana (RSBY) ah pawh kum 2011-2012 chhung khan chhungkaw 9477 hnen atangin MR bill Rs. 593,92,710 dawn a ni a, heng zinga chhungkaw 7444 te bill Rs. 4,42,37,980 chu pek a ni a, a dang 2033 chu hnawl a ni. Kum 2011-2012 ah hian BPL chhungkua 73577 inziaklut tura beisei (target) an nih laiin chhungkaw 46789 an inziaklut a, inziaklut zat hi 63.6% an ni. Kum 2013-2014 February thla thleng khan RSBY ah hian chhungkaw 17277 te hnen atangin MR bill Rs. 948,36,905 dawn a ni tawh bawk a, heng zinga chhungkaw 10930 te bill Rs. 569,27,126 chu pekfel a ni tawh a, chhungkaw 2857 te bill chu buaipui mek a ni a, hnawl 2303 a awm a, zawhfiah mek 36 leh NIC lama thawn 1151 a awm bawk. Kum 2013-2014 ah hian BPL chhungkua inziaklut tura beisei 81512 an nih laiin chhungkua 40877 an inziaklut a, inziaklut zat hi 50.1% an ni. Hemi kum chhung hian sawrkar laipui chuan scheme thar a siam belh a, MGNREGA Job card Holder leh Street Vendor te chu RSBY ah hian telh thar an ni a, inziaklut tur a beisei chhungkaw 159510 atangin chhungkaw 62668 an inziaklut a ni. Kum 2014-2015 a RSBY enrollment chu tih zawh a ni tawh a, target chhungkaw 210199 atangin hriattheih chinah 146779 an inziaklut a, hengte hi smart card pek chhuah tawhte an ni a, inziaklut hi an la punbelh mai thei nia thudawn a ni. Hetih lai hian Mizoram Health Care Scheme ah chuan April 30,2014 thleng inziahluh hun hi hawn anih avangin leh Office lamin Health Worker te hnen atanga report an la dawnloh avangin enrollment ti zat hi hriat theih a la nilo a ni.