July 21, 2022; Mizoram-a Hmeichhe insuihkhawmna pawl lian ber, Mizo Hmeichhe Insuihkhawm Pawl (MHIP) General Hqrs. hruaitu (2022-2025) thlanna vawiin khan Aizawl Vanapa Hall ah neih niin, President atan Ngurmawii Sailo, Kanan Veng chu thlan a ni.

Hun hmasa lama MHIP General Hqrs. hruaitu thlan chungchangah buaina neuh neuh a lo awm tawh thin avang leh court a thubuai kallai mek te a la awm avangin, Civil Judge Court, Aizawl chuan vawiin inthlan tur chungchangah Administrator tur a ruat a, chumi chuan inthlanpui turin Mizo Zirlai Pawl (MZP) ruatin, Returning Officer (RO) ah MZP president Lalnunmawia Pautu a ni a, Recording secy ah MZP General Secretary awmin, MZP atanga an inruat Polling Officer ten inthlan hi an buaipui bawk.

Inthlan buaipuitu MZP hruaitute hnen atanga ZALEN thudawn danin, vawiin MHIP Genenral Hqrs. hruaitu thlanna, Vanapa Hall a neihah hian boruak muanawm tak hnuaiah inthlanna tluang tak a neih a ni.

MHIP GEN. HQRS. HRUAITU THAR (2022-2025): An VOTE HMUH DAN:
PRESIDENT
Ngurmawii Sailo
Kanan veng
Votes  - 1008/515

VICE- PRESIDENT
B. Sangkhumi
Chaltlang South
Votes  - 1014/531

GEN. SECRETARY
Lalliani
Khatla
Votes -  1005/645

ASST. SECRETARY
F. Lalramliani
Upper Republic
Votes - 994/647

TREASURER
K. Lalliantluangi
Chaltlang, Lily veng
Votes - 962/693

FIN. SECRETARY
PC. Chuaudingliani
Chanmari West
Votes - 913/568