ZALEN February 10, 2026 : Vawiinah khan MHIP General Headquarters chuan Aizawl veng hrang hrang dawrah te Gutkha Product zuar lo turin ngenna thuziak an pe. 

MHIP chuan "Gutkha Product hmangin Mizote run mek kan ni a. Heng Gutkha Product Shikhar, etc., te hian nasa takin hriselna a tichhiain, ruihhlo hlauhawm zawk tih chhohna kawng a nih bawk avangin, Mizoram-ah nasa takin kan chhiatpui mek zel a ni.

Gutkha Product hi Mizoramah lakluh leh zawrh hi MHIP chuan a do tlat a. Chuvangin, Gutkha Product Agent dawr lian zawng zawngten la lut tawhlo turin kan inngen a. Tin, dawrte zawng zawngte, vengtin leh khawtin ami ten zuar tawhlo turin kan inngen e." tiin an ngenna siamah hian an tarlang.