ZALEN May 12, 2026: MHIP General Headquarters chuan Mizoram Police leh Uttarakhand Police ten May ni 5, 2026-a an luhchhuah tak Beauty Queen Salon & Spa, Rudrapur, Uttarakhand a thawk tur leh inzawrh luihtirtu a puh Lalnunsiami (30), Kolasib, New Diakkawn leh a pasal anga a neih, Spa neitupa Mohmmad (31) s/o Mohammad Ali, Bareilly, Uttar Pradesh, tuna Rudrapur-a awm mek man chhuah an ni hi a lawmawm an ti. 

MHIP chuan, "Hetiang thil bawlhhlawh a mahni mizo puite hnuklut tu hi kan dem tak zet a, Dan hnuaiah an phutawk hremna an hmuh ngei theihnan theihtawpin hma kan la zel ang," an ti.

MHIP General Headquarters chuan Phai lama hmeichhia hnathawk tura kal tumte an lo fimkhur zel a. Nu leh pate pawhin an fate, kalna chin leh an hnathawhte an hriatpui a, an lo him zel theihnan, Mizo zawng zawngte, khawtlang leh kohhrante pawh an tanrual a. Mizo hmeichhiate hetiang inzawrhna a inhnuh luh luih tirna laka, an fihlim zel theih nan Mizo hmeichhia zawng zawngte leh Mizoram mipuite fimkhur tur leh tangrual tlang turin a ngen a ni.