ZALEN March 8, 2026: Sawrkar flagship programme, Chief Minister’s special package hnuaiah progress partner mi 2,255 hnenah tanpuina pek a ni tawh.

Eptu hruaitu, Lalchhandama Ralte zawhna ziaka chhangin Planning & Programme Implementation department changtu, chief minister ni bawk, Lalduhoma chuan hnuaia progress partner tanpuina dawngte hi an project mil zela Rs. 1,00,000 thleng pek an ni tih sawiin tanpuina sum an dawt zat chu project azir a ni tih a sawi. 

Hand holding scheme hnuaiah February 10, 2026 thlengin phase I leh phase II-ah dilna 12,024 a lut tawh tih sawi bawkin heng zingah hian mi mal 385 leh pawl pangain loan an hmu tawh tih a sawi bawk.

Chhanna atanga a lan danin Chief Minister’s special package grant hnuaia tanpuina sum progress partner-te hnena pek chhuah chu ‘grant in aid’ a nih avangin rulh leh a ngai tawh lo tih tarlan a ni bawk.