Aizawl; Mizoram sawrkar hnathawk zing ah property return avanga departmental case siamsak mi 9 leh hemi avanga hrem tawk tawh mi 5 an awm mek. Assembly session neih zawh taka Aizawl South I bialtu MLA R.Vanlalvena'n ziaka a zawhna chhangin Vigilance Department changtu Chief Minister chuan Mizoram sawrkarin Property Return thehlut tur leh ngai pawimawh turin July ni 11,2013 ah order hnuhnung ber tihchhuah a ni, a ti a. Property Return thehluh chu sawrkarin a ngai pawimawh tih sawiin thehlut lo te chu 'Vigilance Clearance pek an ni lovang' tih order pawh May 3,2011 ah chhuah a ni tawh tih a sawi bawk. Property Return thehlut tute atangin Departmental case siamsak mi 9 leh hrem tawk tawh mi 5 an awm tih chhanna ah chuan tarlan a ni bawk.