ZALEN Sept. 24, 2024; Raltlan, mi dawr rawk a, pawisa Rs. Nuai 10 chuang tlanbopuitu ni a sawi chu Diltlang South Police ten an man.

Pathianni September ni 22 zan a Lawngtlai Chandmary a Emmanuel Store rawktu ni ngei a hriat chu nizan dar 1:30 vel khan Diltlang South Police ten Diltlang South khaw dai, Khawmawi lam kawtchhuah Kilometre 1 vel ah an man.

The Lawngtlai Post tarlan danin Police te hian an mi man hnen atang hian Rs. 7,59,700/- an hmulet a, Lawngtlai lamah lakchhoh a ni ang.

Nazira (non-Tribal) dawr chu dawra hnathawka an chhawr Dolla (Myanmar) chuan Thawhtanni a pawisa bank a dahluh tura dah hran chu Scooter hmangin a tlanbopui a, Lawngtlai leh Mampui inkar ah Scooter hi a hnutchhiah a, thil thleng hi dawr neitute hian Lawngtlai Police ah hriattirin chhuizui nghal a ni a, nizan khan Diltlang South daiah hian man a ni ta a ni.