Aizawl: Nimin khan Mizo Students Union Thingsai chuan zirlai pass thar leh an khaw chhuak mi hlawhtling chawimawina I&PR Auditorium-ah an hmang. BA pass thar mi 17 hnenah “Lalsangzuali Sailo Award” leh, MA pass thar mi 3 hnenah “Selthuama Award” an hlan a. Thingsai khawchhuak mi challang 11 P.Rohmingthanga, Liankima Lailung, M.Tumsanga, Michael Zothankhuma, L.Saihlira, F.Lawmkima, Evan K.Lianthanga, P.Lal biaka, Lalrinkima Hnamte, J.Thatlinga leh F.Aihnuna te hnenah chawimawina thuziak an hlan bawk. Chawimawina hun hmanpuitu AH& Vety Minister C.Ngunlianchunga chuan Thingsai MSU in ­­chawimawi tlakte chawimawi na chang an hria chu lawmawm a tih thu a sawi a, zirlai pass tharte pawh tuna an dinhmun chu duhtawk mai lova thahnem ngai taka zir chhunzawm zel turin a chah bawk.