ZALEN June 24, 2026: Excise & Narcotics Department leh 14th Bn. Assam Rifles thawk dun chuan June 23, 2026 (Thawhlehni) zan khan Zote – Bulfek kawngpui, Champhai District-ah Heroin gram 141.420 (Hawng 12) leh a neitu nia puh mi pahnih – Nianglamnuami (26) d/o Kapchinluna leh Lalnunmawii (30) d/o C. Rohlira (L), Mual Nuam Bethel, Champhai-a khawsa ve ve nia inchhalte an man..  

Ruihhlo vanga mante hi The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, 24th June, 2026 khan Courtah hruai nghal an ni.

Excise & Narcotics Department-in a chhinchhiah danin kumin, 2026, June ni 24 thleng hian ruihhlo vanga thi mi 26 (Mipa 23 leh Hmeichhia 3) an awm tawh a, Kum 1984 atanga ruihhlo vanga thi zat chu 2,023 (Mipa 1,776 leh hmeichhhia 247) an tling tawh.

Kumin, 2026 chhung hian Excise & Narcotics Department-in hetiang hian ruihhlo an man tawh:  

Heroin - Kg 15.117 

Ganja - Kg 128.544 

Cough Syrup - phial 7,509 

Alprazolam - tablet 27,173 

Nitrazepam - tablet 10,183 

Clonazepam - tablet 3,371 

Tramadol - tablet 5,375 

Methamphetamine - Kg 62.704 

Crystal Meth - Kg 9.807