ZALEN November 22, 2025: Mizoram Police leh Assam Rifles te chuan Lunglei khawchhunga ruihhlo chet dan an dawn bawhzuiin Heroin No. 4 nuai 26 chuang man mi pali kut atangin an man.

New Dawn-ah Mobile vehicle check post (MVCP) siamin zing dar 11 vel khan Police leh Assam Rifles tangrual te hian mi pali kut atangin Belpui Lui bulah Heroin No. 4 gram 34.9, cheng Nuai 26.17 man a chhut hi an man a ni. 

Mi pali an man te hi Lalremsiama, s/o Thlamuana ; Lalrinmawia, s/o Lalthantlinga ; Lalruatfela, s/o Vanlalmuana leh Elizabeth Lalmuankimi, d/o Lalramnghaka te an ni a, dan anga an thubuai bawhzui a nih theih nan Lunglei Police Station-ah thubuai ziahluh a ni.