Nikum December thla khan Manchester City chuan Champions League group stage-ah Leipzig an tlawh a, hemi tum hian Walker chuan Andre Silva a pet lui a, he match-ah hian Walker hian red card hmuin game thum atan hrem a ni. 

UEFA thutluknaah City chu lungawi lovin an khinglet a, mah se UEFA lam chuan an thutlukna hi an kaltlangpui ta zawk a, chuvangin tunkar UCL khelh turah Walker hi City tan a inlan thei dawn ta lo a ni. 

Tun hnaia Sporting Lisbon nen a Round of 16 first leg an khelhah a inlan thei tawh lo va, second leg lamah pawh UEFA hremna vang hian Walker hi a inlan thei dawn lo tih a chiang. Manchester City hi round sang zawk an tlang hlauh a nih chuan Walker-a hian quarter final second leg atang chuan an club aiawhin a inkhel ve thei tawh thung ang.     

Tunah hian quarter final lut turin City dinhmun hi a tha rih hle a, round of 16 first leg-ah Sporting hi si 5 zetin an hneh thei a, team dinhmun thlirin  quarter final lut tluka ngaih theih an ni.