May 16, 2023; MPYCC president thar Laltawnliana Sailo chuan, kumin 2023 inthlanpui-ah mi rinawm leh a ngaihna hria an president Lalsawta kaihhruaina hnuaiah Pathian in hnehna a chantir ngei an rin thu leh, mi harsa zawk te tan kawl a lo en leh ngei an rin thu a sawi.

Vawiin khan Congress Bhavan ah thutthar thehdarhtute kawmin, Mizoram Pradesh Youth Congress Committee (MPYCC) president thar chuan, Mizoram-in hun thim leh harsa tak tak a paltlang tawh tih sawiin, tunah chuan congress kaihhruai sawrkarin nasa taka hna a lo thawh tawh zar kan zawh mek thu te a sawi.

Zoram hian hnathawk peih te kaichhuak tur kan mamawh tih sawi bawkin, Laltawnliana Sailo chuan, "Corruption um bo kan mamawh a, hengte hi Pu Sawta ho hian kan theih ngei kan ring tlat a, Pu Lalsawta leh congress party policy 'Tang Puihna' hmanga retheihna um bo a nih tih theih nan mi dik, Mr. Clean an tih Pu Lalsawta kaihhruai congress party hi lo support-a, lo puibawm turin Mizo mipuite ka sawm tak meuh meuh che u a ni," a ti bawk.