November 16, 2023; Chhinga veng, Aizawl a mipa kum 73 mi scooty a su a, tlan tlang zui nghal chu a theih ang anga zawn mek zel a ni.

ZALEN thudawn danin, November ni 14, 2023, Thawhlehni zan dar 10:30 vel khan Chhinga veng ah kawng sir a kal mipa a kum lam pawh a upa tawh kum 73 mi vel chu mipa nia hriat scooty khalhin a su tlu a, ding zui lo leh a chinchang pawh ngaihven zui loin a tlan tlang a ni.

He thil thleng hi a theih ang anga chhui zui niin, scooty khalhtu hi Bazar Bungkawn ah chhuak chhoin, Treasury atangin Venghlui lamah a tlan thla tih CCTV atangin a lang a, he thu ziahlai thleng hi chuan tunge a nih hriat theih a la ni lo.

Scooty in a sut kum 73 mi hi vanneihthlak takin dinhmun ngaihtuahawm a ni lo a, a ke lamah hliam a tuar nia thudawn a ni.