November 21, 2023; Chinhriat loh a awm, Nancy Lalneihpuii(22) D/o Nuhliri, Kanghmun South (Thenzawl bul) chu damtaka hmuh a ni tawh.

Kanghmun South atanga ZALEN thudawn danin, Nancy Lalneihpuii hi ni 13.11.2023 (Thawhtanni) khan an khawdai maiah Thingsemin zawngin a chhuak a, tlai lamah a haw tak mai loh avangin, a chhungte'n an zawng zui nghal a ni.

Hemi hnu hian khawtlang huapin a chin ngaihven a ni a, a thlalak leh a bo dan te pawh social media ah tih darh a ni.

16.11.2023 chhun lam khan Siaha atangin Kanghmun South YMA hruaitute'n information an dawng a, a bo tuk, Thawhlehni khan Siaha ah hmuh a ni a, a chanchin te an zawhfiah laiin a lo bibo leh hman a.

A chin hriat a nih zui loh hnu-ah Pathianni (19.11.23) khan Lawngtlai Council Vengah hmuh niin, an khua Kanghmun South thlenpui tawh a ni.