August 3, 2023; Lallawmsanga (45), Muallungthu chu a awmna chin hriat loh a bo hnu leh, July 28 atanga khawtlangin ngawrh tak a an zawn hnuah vawiin chawnhnu khan Tuirivangah a ruang hmuh a ni.

Muallungthu Branch YMA hruaitute hnen atanga ZALEN thudawn danin, Lallawmsanga hi hun eng emawti chhung chu Tuirivang lui leh Rangtla bawr velah a khawsa thin a, khua a haw ngai mang lo a ni. Tun hnaia a khawsakna velah hun eng emaw chen hmuh a nih tawh loh avangin Muallungthu khawtlang chuan ngaihtha lovin July 28, 2023 atang khan an zawng tan ta a.

YMA, Chhimphei Group chuan Lallawmsanga zawnnaa thawk chhuak turin an huam chhunga YMA branch-te an ngen a, Thawhtanni atang khan YMA branch-ten a inchhawkin an zawng a. 

Lallawmsanga ruang hi vawiin chawhnu lam khan hmuh niin Tuirivang lui bula mi thlam pakhat bulah chhar nia sawi a ni.

He thu ziahlai hian Forensic Science Laboratory (FSL) lam te ruang hmuhna hmunah hian an kal a, a ruang hi Lunglei Rahsi Veng a vui turin lak a ni ang.