Nimin khan Zarkawt khawtlang chuan December ni 31 zan atanga chin hriat loha bo Lalnunmawia Zadeng @ Mawitea (35) chu khawtlang huapin an zawng a, vawiin lamah pawh zawn chhunzawm leh a hmuh a nihloh chuan Mizo dana ni 7 chhung zawn an tum. HDFC Bank Lawngtlai Branch ah Dy.Manager hnathawk mek Mawitea hi Dec.31,2014 zan dar 10 khan a Scooty Rodeo dum MZ/01 J-6893 hmanga a leng chhuak chu a chanchin hriatzui a ni ta lo a. January ni 1 zan dar 10:30 vel khan a phone hi dial a niin tuman an pick up lo a, a hnuah switch off leh a niin hetih lai hian a phone hian Zemabawk tower a hmang tih hriat a ni a, hei vang hian nimin lam hi chuan Zemabawk leh World Bank road velah an zawng a ni. Mawitea chanchin hria tan Ph.No. 9436152145 emaw 0389 - 2327558 ah emaw hriattir turin an ngen.