Michael Jackson-a hla pathum chu streaming service atangin paih a ni a, hei hi vocal lem a awm nia sawi a awm vang a ni. Heng a hlate hi a thih hnua tihchhuahte niin, Sony Music chuan he thilah hian inrawlhna an neih loh thu an sawi. 

Michael Jackson hi June 25, 2009 khan kum 50 mi niin oversode avangin a boral a, a hla record sa thenkhat tihchhuah loh a awm nia sawi a ni. Tichuan, a thih atanga kum khatna lekah a hla hrang hrang dahkhawmna compilation album tihchhuah a ni a, chung hla zinga pathum - Monster, Keep Your Head Up leh Breaking News te chu tuna an paih takte hi an ni. Heng hla athumah hian vocal lem a awm niin fan pakhat chuan a sawi a, Court-ah thubuai a thehlut ta a ni. 

Thubuai thehluttu hian Michael Jackson-a zai hi session singer pakhat kutchhuak a nih thu a sawi a, hetih lai hian Sony Music leh Jackson-a lamte chuan streaming site a?anga an paih chhuah hian an thunehna nen inzawmna a nei lo niin an sawi ve mek bawk. Heng a hlate hi kum 2007 a record niin an sawi a, a thih hnuah an tichhuak a ni.