Aizawl; DMR Minister C.Ngunlianchunga chuan, "Midangte tih theih chu kan ti ve thei tur a ni," a ti. Nimin MZP Conference hall a Mizoram Bawm Students Association in fresher social an neih a hmanpui naah he thu hi sawiin DMR Minister chuan zirlai kalkhawmte chu nu leh pa ten an tirhchhan ang taka awm turin a fuih a, "Tumruhna leh thawhrimna nen thahnemngai taka kan zir chuan kan hlawhtling dawn a ni," a ti. Minister chuan zirlaite chu sawrkar hna ringawt tinzawn lova mahni kea ding thei turin a fuih a. "Mizoram ah hian hnathawh tur a la tam a, hnamdang ten thawh senloh an neih laia thalaite kan awm mai mai hi a diklo a ni," a ti. Minister chuan thalai ten nilenga TV leh Internet an khawih thin chu thalo a tih thu a sawi a, kuthnathawh chawisan tul a tih thu sawiin mithiamin hna an thawh chuan a hlawk zawk dawn a a ni a ti a, "engkim lalut vek lo a, thawnchhuaktu nih kan tum tur a ni" a ti bawk.Thusawitu dang MBSA President David Lalmuanpuia chuan Bawm chu Mizo hnam peng pakhat zing ami a ni tih a sawi bawk. Nimin Mizoram Bawm Students Association fresher social hun hi Vanlaltirhkoha, MBSA General Secretary in a kaihruai a, zirlai pawl hruaitu ten hmanpuiin tlaiah zanriah an kilho nghal a ni.