Aizawl: Legal Metrology department chuan a duh duhin bukna leh thildang an lo check ve thin chu tha an ti lo tih sawiin helama thahnemngaite chu thawhho pui an duh tih Zalen an hrilh. Tunhnaia mi thahnemngai thenkhatin bukna an lo enfiah ve chu anmahni maia ti lovin thawho ni tawh se an duh tih an sawi a. Bukna diklo hrem chungchangah an dan 'The Legal Metrology Act, 2009' chu IPC leh dan dang aiin a lal nia sawiin a hremna pawh a na zawk niin an sawi a, man a hrem theitu pawh a ni tih an sawi. Legal Metrology thawktute chuan dan ang zela thiltih a tha ber nia sawiin mi thahnemngai ten thil an ti dawn anih pawhin anmahni chu hriattir a, thawho nise an duh tih an sawi a. Bukna dik leh diklo chu an enfiah reng nia sawiin tunhnaiah pawh steel trader (iron rod zuar) mi 38 chu an endik a, an zinga 15 te chu office lama in report turin an hriattir niin an sawi a. Mipuite chu bukna diklo hmang an hriat apiangte hrilh hre thin turin an ngen tih an sawi bawk. Legal Metrology thawktute chuan iron rod lei leh buk ah inbumna a awm theih avangin mipuite chu fimkhur se an duh tih Zalen hrilhin rod buklai chu hmu kherlo mahse an leizat atangin a rihna awm ang chu a hriat theih tih an sawi a. Iron rod chu metre 12 a tling ngei tur a ni a, a size a zirin a rihzawng tlangpui chu a hriat theih tih sawiin a bundle a kim leh kim loh te uluk taka en thin turin an chah bawk. Legal Metrology thawktute chuan iron rod tlawn khat rihzawng chu achunga mi ang hian teh thin turin mipui an ngen. size seizawng metre 1 rihzawng rih zat 6 12 0.222 2.664kgs 8 12 0.395 4.74kgs 10 12 0.617 7.404kgs 12 12 0.888 10.656kgs 16 12 1.58 18.96kgs