ZALEN December 13, 2024 : Vawiin khan Sialhawk-a RL Memorial House-ah MIFCO kal tlanga sawrkarin kum 2023-a Lakhuihthei leina man a bat chu MIFCO Chairman Lalthazuala Rawite in a pek tlak sak a, kuthnathawktute hnenah hlan a ni.

Lalthazuala Rawite chuan thusawiin, "Sorkar hmasa hunah khan Sialhawk Lakhuithei kha theih tawpa buaipui a ni  chungin, a hralhna hriat mai loh ho kha MIFCO ah dah a ni a, MIFCO lamin pawisa an neih leh neih loh pawh ngaihtuah lovin thuneitute atanga thupek an dawn angin kalpui a ni a. Khatihlai khan Lakhuithei leina man tur MIFCO in a lo nei si lova, kuthnathawktute tha hah man sorkar in a lo ba rei hle a, a pawi hle in ka hria. MIFCO lama ka thawhpui ten thil awmzia min hrilh a, Chief Minister hnenah kan harsatna te ka thlen zui vat a ni. Chief Minister hian, kuthnathawktute thei man bat sak chu tha a ti lo a, a rang thei ang berin pawisa min ngaihtuahsak a, kuthnathawktute hmangaihtu Chief Minister nei lo i la in Thei leh Thlai man ba hi kan pek theih che u ka ring lo, Chief Minister chungah lawmthu kan sawi a ni," a ti.

Sialhawk Lakhuithei hralhna sawrkar hmasa hunlaia MIFCO kal tlanga sum bat sak te hi chhungkaw 52 an ni a, Sialhawk-ah hian chhungkaw 250-in Lakhuihthei an ching a ni. J Rampanmawia, Sialhawk Pineaple Grower Society chuan he hun hi a kaihruai a ni.