ZALEN Aizawl 6, 2025 : Faina leh thianghlimna kawnga AMC leh Local Council te campaign kal zelah, Aizawl Mayor Lalrinenga Sailo chuan vawiin khan Muanna Veng Local Council buatsaih, plastic bottle chhia leina hun a hman pui a, faina kawnga hmalaknan Rs. 10,000/- a pe.

Faina campaign ah hian Aizawl Mayor chuan thu sawiin, “Mihring leh ran ek rimchhia awmna veng chu, eng ang pawn phiat fai mah se la, veng faia ngaih theih a ni lo,” a tia a. Naupang kalkhawmte chu bawlhhlawh a bawmah chauh paih ṭhin turin a zirtir a. Muanna Veng hmalakna ropui a tih thu sawiin, vawiina an hmalakna hi duhtawk mai loa, chhunzawm zel turin a fuih a ni.

Muanna Veng Local Council House kawt atangin plastic bottle chhia hi leikhawm a nia a, vawiin dar 1:00 PM thleng khan mi 60 hnen atangin plastic bottle chhia 18,000 chuang lei a ni tawh a, Rs. 10,000/- chuang man a ni. 

Mayor hi Vanlalneia, Ward No. 7 Corporator in a ṭawiawm a ni.