Aizawl; Mihring tawlh ruk (human trafficking) ah Mizoram chuan kum 2 chhunga case a neih loh thu SP Crime pisain a sawi laiin United Nations office on Drugs and Crime (UNODC) palai chuan Mizoram-ah mihring tawlhrukna a hluar niin ZALEN a hrilh a, Joseph Nixon-an NE India a mihring tawlhruk a zirchianna chuan a hluar chho zel niin a tarlang bawk. “Mipui te hi zirtirna kan pe nasa a, YMA, MHIP leh NGO dangte’n min \awiawm \ha a, ‘awareness’ a sang tawh a, 2013 a\ang khan ‘case’ kan nei tawh lo a ni,” tiin Vanlalfaka Ralte, Additional SP (Crime) chuan kan palai a hrilh a. A venna lama \an lak chu a hlawk zawk thu sawiin Additional SP chuan Burma kaltlanga Singapore-a inhlawh tum te pawhin police rawn hmasa se a duh thu a sawi bawk a. “Police hian kan chhui nasa tawh a, inhlawh tura an kalna tur hmun chu a him em? him lo em? tihte chiang hmasa sela chu chuan a hnua harsatna a hrin theih a sukiang ang,” a ti bawk. UNODC palai chuan Mizoram police te chu mihring tawlhruk tihrem kawngah hma la \ha pawl an nih thu ZALEN a hrilh a, “Mahse Myanmar a\angin Mizoramah Myanmarese te chu bum luh an ni fo \hin a, case pawh kan hre nual a, Myanmar-a thingtlang mite chu hna an tiama, sum chawi tirin Mizoram-ah tawlh ruk an ni reng a ni,” a ti bawk. India Hmarchhak ah a hluar thu leh Manipur-ah phei chuan ‘missionary’ te pawh an inhnamhnawih thu Jospeh Dixon chuan NE Human Trafficking Situational Analysis 2014-ah a tar lang. “August 2013, khan Bangalore ‘home’ 2 a\angin naupang 35 chhanchhuah an ni a, Grace Children’s Home leh Mission Centre-ah Manipur a\angin naupangte chu hruai thlak an ni. UP leh Kerala a\angin Manipur naupang 23 rukbo chhanchhuah an ni tawh,” tiin Dixon-a zirchianna chuan a sawi.