An kalphung an thlak avangin milar tam takin Twitter an ban san mek zel a, English siger Elton John pawhin a chhuah san ve leh ta. Canadian-American actor Jim Carrey leh Whoopi Goldberg bakah supermodel Gigi Hadid te pawhin an Twitter account hi an lo titawp ve tawh bawk.

Sir Elton John chuan Twitter a chhuah san ve leh ta a, milar zinga he social media platform chhuan san thar lam ber zinga mi a ni. Twitter neitu thar Elon Musk chuan English singer hi a lo kir leh ngei a a beisei thu a tarlang ve nghal. 

Elon Musk hian tun hnai khan Twitter hi tluklehdingawn 44 vel zetin a lei a, thawm a nei nghal hat. Hnathawktu eng emaw zat a ban nghal a, chung zingah chuan hna pawimawh tak tak chelhtu pawh an awm nawk. Twitter hian an policy an thlak danglam nual a, hei hian nghawng a nei choo mek. 

'Rocket Man' singer Elton John chuan, "Ka hring nunah hian thil tum ka nei a, chu chu rimawi hmanga khawvel inpum khat hi a ni. Tunah erawh information dik lo hmangin khawvel thendarh mek a ni," tiin, Twitter a chhuahsan chhan a sawi. 

Kum 75 mi chuan sawi zawmin, "Tun hnaia an policy avang hian Twitter hmang tawh lo turin thutlukna ka siam ta a ni," tiin a tarlang bawk. 

Hei hi Twitter hotu Elon Musk chuan chhang letin, "I (Elton John) music te ka ngaina a, i lo kir leh gei pawh ka beisei. Information dik lo hian nangma mimalah nghawng a nei em?' tiin a tarlang. Musk hian October khan Twitter hi $tld 44 (£38.1bn) zetin a lei a, thueihna a chan hnuah Covid policy an tidanglam a, hei hian sawizui a hlawh hle a ni. Hei bakah hian 'blue tick' chungchang pawh khel hlawh zingah a tel.

Eng vang nge? 
Milar tam takin Twitter an chhuansan a, zawhna awm ta chu eng vang nge tih hi a ni. A chhan bulpui ber chu an kalphung an thlak vang a ni a, chu chu mipui tam takin an pawm thei lo. Kumin September thla chhung rigawt khan coronavirus chungchangah information dik lo thehdarh avangin account  11,000 lai chu suspend a ni a, an policy hi November thla khan an tihdanglam phah nghe ghe. 

Covid-specific policy hnuaiah Twitter hian 'five-strike system' an kalpui a, account tihtawp sak pawh eng emaw zat an awm tawh a ni. Twitter hmangtute account hi police an zawm loh vawi khatnaah hrem an ni lo a, an bawhchhe nawn a nih erawh chuan suspend an tawk thin a ni. 
vawi khan