Vawiin July 25, 2023 (Thawhlehni) khan Mizorama tlawmngai pawl hrang hrangte hmalaknain, Manipura Zohnahthlak tihduhdahna leh harsatna hrang hrang tawk mekte thlavang hauhna kawng zawh huaihawt a ni a, milar ten an thlawp tha hle. He kawng zawhah hian mipui an thahnem a, kan zaithiam lar, model leh musician te pawh an awm mai mai bik lo. 

Treasury Square-ah zaithiam PC Vanlalhriati (Te-nui) leh H. Lalmuankimi (Mami) ten kal khawmte zaiin an awi a, sum leh pai phut miah loin kan Mizo puite thlavang hauh nan an au chhuak. Miss Mizoram Zirsangpuii pawhin thuziak kengin kawng a zawh a, milar dang pawh hmuh tur an awm nual. 

Zirsangpuii chuan, "Zohnahthlak unaute kan tawrhpui tak zet a, an tan kan ding reg a ni," tiin an thlavang hauhna thu a sawi. Musician Bruce Pachuau pawhin, "Manipura kan Zohnahthlakte tawrhna hi a rapthlak kan ti a, chin fel thuai nise kan ti a, Mizote an tan kan ding reng a ni," tiin a sawi ve bawk.