Aizawl: Mizoram Merchant Association (MIMA) chuan AMC Licensing Regulations chu Mizo hnam tan a him lo nia ngaiin dan siam tha turin Aizawl Mayor ngen an tum.

MIMA Gen. Hqrs. chuan AMC Licensing Regulations chu a chhuah tirh atangin Mizo hnam himna a awm lo tih leh he Regulation-ah hian sumdawngte inziak lut lo tura an ngenna chu an dinna a la nih reng thu sawiin, Licensing Regulations chu siam tha turin Aizawl Mayor sawipui leh nise an ti. 

Hei bakah hian Mizoram sumdawngte tana dan duan Draft Mizoram Trade and Enterprise Acts, 2025 chu Mizo hnam himna a awm lo nia an hriat thute, he dan hi an pawm theih loh thu department hotute hnena an lo thlen tawhna chu a theih anga bawhzui leh nise an ti.

MIMA chuan Income Tax Department atanga sumdawng ten harsatna an tawh chungchang pawh ngaihtuahin September ni 11,2026 chawhnu dar 1 hian MIMA Office, New Market-ah an lehkha hmuh te kenga sawiho nise an ti a, Income Tax Department atanga lehkha hmu te chu he hun ah hian tel vek turin an sawm.