ZALEN February 26, 2026: Central GST Commissionarate, Aizawl, Mizoram kal tlangin National Academy of Custom, Indirect Taxes and Narcotics (NACIN), Shillong-in a vawi khat nana GST Training Aizawl-a an buatsaihah MIMA member mi 20 an training chhuak a, MIMA chuan heng training chhuakte hi Sumdawngten tangkai taka hman an nih theih nan MIMA Office-ah GST Filing kalpui tha an ti.

MIMA chuang heng training chhuakte hi GST Certificate holder Mizoramin a neih hmasak berte an ni a. MIMA chuan Sumdawngten tlawm zawkin GST an file tir thei dawn an ti a, hei hi a theih anga ranga kalpui anih theih nan bawhzui ran nise an ti. Heng GST Training chhuakte hi MIMA Office-ah kohkhawma, Commerce Industries Minister leh CGST hotute nen function neihpui a, chawimawina hlan nise an ti.

Chapchar kut ni 13.3.2026 a lo awm turah hian nidanga an lo tih thin angin, Dawr neitu leh dawr nghaktu zawng zawngten Mizo thuamhnaw a inthuamin a hlim thei ang bera an remchanna hmun apiangah hman nise an ti bawk.

International Women's Day kum tina March ni 8-a Khawvelin lawmna a neih thin angin, Mizoram-ah Women and Child Development chuan March 18,2026-ah Dawrpui Multipurpose Centre ah an hmang dawn a. Department ngenna angin March 2026 chhung, Dawrkai zawng zawngten hmeichhe puala discount lo pe turin MIMA chuan a ngen bawk a ni.