DOWNLOAD OUR APP

Read latest news on your phone
app-store

MIMA in dawr khar dawn

Jul 12, 2014

MIMA in dawr khar dawn

Aizawl; Mizoram Merchant Association chuan AMC in Licensing Regulations a siam duhloh entir nan July ni 17, 2014 (Ningani) hian AMC huam chhunga dawr zawng zawngte zing dar 5 atanga tlai dar 5 thleng khar vek nise an ti. MIMA Extended Executive Emergent Meeting, Zirtawpnia neih chuan AMC in July thla chhung a in register lote chu an dawr khar sak emaw tihtawp sak emaw a tum thu a sawi chu thalo an tih thu an sawi a. MIMA mai bakah NGO Co-ordination pawhin AMC Licensing Regulations hi ram leilung fate tan a him lova nia an hriat avangin an duh lo tih an sawi a. MIMA chuan North-East State zingah Mizote chauh sumdawnna kawng a chhantlak kan awm a ni tiin AMC pawh in register tur hma a lak titawp turin an ngen tih an sawi bawk.MIMA chuan July ni 17 zing dar 6:30 hian an member te chu Millenium Centre kawtah kim vek turin an ngen. Hetih lai hian Zirtawpni a NGO Coordination Committee, Central YMA office a thukhawm chuan AMC Licensing Regulations 2012 hnuhkir phut nan July 22,2014 atangin AMC Office a pisa kai turte dan nise tih an rel. Meeting ah hian YMA, MZP, MHIP, MUP leh MSU te an tel a ni.
Share now