Aizawl : Mizoram Merchant Association (MIMA) chuan Covid 19 hrilengin kan eizawnna lama, a nghawng nasa taka kan tawrh tak a vangin, Chief Minister hmuin kan harsatna kan sawipui a. Kan CM zahawm tak leh Deputy CM te hian kan harsatnate min hriatpuiin nitina kan eizawnna hna kan thawh chhunzawm theihna tura rang taka hma min laksak avangin an chungah kan lawm hle a. Lawm thu kan sawi tak meuh meuh a ni, tiin an thuchhuah siamah an tarlang.

MIMA chuan, ILP chungchangah kan Home Department a ILP khawihtu ten ILP an pek danah uluk leh fimkhur zawkin pe se a tha an tih thu an tarlang a, ILP an peka sponsor-tu, mizo hming ziaka chhui chian hleihtheih loh leh contact number thi tawh/number dik lo dah mai mai te a awm fo leh address chhui tlak loh awm thin hi lo hnawlin permit pe chhuak lo thin se an duh tak zet tih an tarlang bawk.

Kum hnih dam ILP chu dan ang tak chuan neih hleih theih loh a nih laiin nei an awm nual tawh, MIMA chuan an ti a, an lo pek tawh, felhlel awmte chhuichhuak a, enzuia cancel sak turin a duh tih an sawi bawk.