Aizawl: Mizoram Institute of Medical Education & Research Society (MIMERS)-a seat awm tura ruahman 100 chu luah khah kim a ni.   MIMERS-ah hian Mizoram in seat 70, central in seat 15 leh NRI tan seat 15 hauh a ni a, heng zingah hian NRI-te hian an luah kim a. Central quota 15 zinga 11 hi luahkhah a niin a bak 4 hi Mizoram quota-ah lutin Mizoram quota atanga admission ti chu 74 an ni.   Hetih lai hian India ram hmun hrang hranga Medical college ah Mizoram chuan quota 18 neiin heng te hi luahkim vek a ni. Higher & Technical Education thawktu ten Zalen an hrilh danin hmun thenkhatah chuan Mizo zirlaite hian admission an tifel tawh a, ti mek leh la ti tur pawh an awm niin an an sawi.