DOWNLOAD OUR APP

Read latest news on your phone
app-store
Min tih leak-out sak lo hram turin ka ngen - Sangsangi
Jun 10, 2023

Zirtawpni zan khan In-House Production film thar 'Pa Hausa' (Ka aim in life) chu Vanapa Hall-ah tlangzarh a ni a, Lersia Play App lamah en theihin a awm. A changtunu Sangsangi chuan an film thar chu en theuh turin mipui a sawm a, chutih rual chuan tih leak-out sak lo hram turin mitin a ngen nghal bawk. 

Tuikhuahtlang nula Sangsangi chuan, "Thah leh zung sum leh pai tam tak kan seng a, harsatna tam tak kan paltlang. A changtute pawh buai tak tak kan ni a, he film a hlawhtlin theih nan hian kan thawkrim hle. Lo entute pawhin min hlutpui kan beisei a, min ti9h leak-out sak lo hram turin Mizo mipuite ka ngen tak meuh a ni," tiin a sawi. 

Papuia nen
Sangsangi hi film-ah a vawi khat inlanna a ni a, changtunu role a play nghal. Tawn hriat nei tawh ang maiin a chang thiam thiam em em a, mipui mit fukna a ni. 

Papuia nen an chandun chungchang sawiin, "Papuia hi Mizo film star-ah chuan ka dah san ber a ni a, ani nena kan changdun thei kha nuam ka tihle. Huphurh a hnekin phurna min pe zawk a, shooting kan neih chhung zawngin min pui nasa hle," tiin Papuia a chanpui thei chu lawmawm a tih thu a sawi. 

Director Drew Pachuau leh a chanpui ten an thlawp that avangin lawmthu a sawi bawk a, ani hnen atang hian fuihna pawh a dawng nasa hle. Shooting an neih tirh lamah harsa a ti a, mahse an thawhhona a zarah nuam ti takin an zo thei tih a sawi bawk. 
Sangsangi chuan,"A nawmna lai tam tak a awm, a harsat chang a awm bawk. A tlangpuiah chuan nuam ka ti a, kan thawhhona pawh a tha hle," a ti. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh