Aizawl: Nimin khan AH&Vety minister Pu C Ngunlianchunga chuan AH&Vety farm Thenzawl a tlawh a. He ni pual bawk hian Mizoram hmun hrang hrangah free clinic leh vaccination camp neih a ni bawk. AH&Vety Minister chuan farm te tihchangtlun nana hmalak mekte enin, RIDF  leh Nabard hnuaia Goat breeding farm hmun leh NEDP hnuaia sial vulhna hmun turte a hmunah kalin a en a, hetah hian kel chi tha inthlah pung tur chi vulh a ni dawn a, kan rama kelte chi thlak a nih theih nana ruahmanna siam a ni. Nimin vek khan Indian Veterinary Association (IVA) leh Animal Home buatsaihin World Veterinary Day pual Free Clinic leh Free Vaccination Camp chu Dawrpui Vengtharah neih a ni. He camp ah hian ui a hridanna chu ui 100 chuang leh a thlawna entir ui 50 chuang an awm a ni. Free clinic & vaccination camp neih te chu Mizoram State Vety Council member te’n tlawh kualin tanpuina te an pe bawk a ni.