Aizawl: AH&Vety Minister C.Ngunlianchunga chuan nimin khan Lawngtlaiah NLUP 2nd Phase hnuaia Ar vulh thlangtu chhungkaw 154 te hnenah Final Instalment a sem. Minister-in NLUP a pekte hi Lawngtlai leh a chhehvel khua atanga kalkhawm mi 154 niin mi 149 ten Rs. 54400 theuhvin an dawng a, mi pakhatin Rs. 63350 dawngin a dang mi 4 ten 44400 an dawng thung a. A hma lama an dawn dan azir zela heng sumte hi pek niin Calendar of Works anga an sum hman dan tur ruahmanna pawh a inang lo hlek hlek hlawm a ni. Lawngtlai District chhunga 2nd Phase NLUP atanga Ar vulh thlangtute hi chhungkaw 350 niin nimin vek khan Sangau leh Bualpui bialah pawh Final Instalment hi sem a ni a, karleh lam atangin Bungtlang South leh Chawngte bial lamahte sem chhunzawm a ni bawk ang. Minister-in NLUP a semna inkhawm hi Lawngtlai DVO Dr. Lalnunhlima Ralte-in a kaihruai a, Dr Malsawmtluangi’n lawmthu sawina hun a hmang thung a ni.