Aizawl: Agriculture Minister KS Thanga chuan nimin khan Aibawkah 3rd & 4th Phase NLUP dawngtu chhungkaw 254 hnenah NLUP tanpuina a sem. KS Thanga chuan, “Eptu party ten NLUP hi Congress te chauh pe ang a min puhna hi thu dik lo a ni a. University-a mithiamte leh NGO ten Baseline Survey an ti a, NLUP dawng thei chhungkaw nuai 1 leh sing 5 an rawn list chhuak a, vawiin a kan semte nen phei chuan baseline survey a mi aia tam NLUP hi kan sem tawh a, chung mite chu Congress chhungkua vek nise Mizoram ah party dang tan politics khelh ve ngaihna a awm tawh lo,” a ti. Nimin a pawisa sem zawng zawng belkhawm hi Rs.91,44,000/- a ni.