Aizawl: Nimin zing khan AH & Vety Minister C.Ngunlianchunga chuan Bawngkawn Brigade ramchhunga ran talhna in sak tum, ‘Rural Slaughter House’ a tlawh a, a hmunhma leh a panna kawngpui te a endik. Tuna ran talhna hmun awm mek Mualpui a slaughter house hi Aizawl khawpui chhuahlam, chhimlam leh New Market rantalhtu zawng zawng te'n an hman avang leh hmun dang Bawngkawn, Vaiva-kawn, Hunthar leh veng hla deuh ten an hman ve phak loh vangin ran talhna in thar hi sak tum a ni tih AH&Vety hotute chuan an sawi. Brigade venga ran talhna tur in sakna leh a panna kawng siamna tur sum nuai 387.28 hi NABARD hnuaia Rural Infrastructure Development Fund (RIFD) atanga hmuh a ni a. A sak hna leh kawngpui cheithat hna hi 2015-16 Financial Year chhunga zawh hman beisei a ni. Slaughter House awm-na tur hmun hi Brigade Field peng atanga 600 meters a hla niin rantalhna thli pawh Effluent Treatment Plant (ETP) ah luanluh tir a ni ang a, ni khatah bawng 40 leh vawk 50 talh theihna tur a ni. Minister hi AH&Vety Director Dr. L.B. Sailo an a tawi awm a n i.