Aizawl: MNF Thalai chuan thuchhuah siamin NIAS Kolkata a BHM zirtur a Mizo zirlai 32 tirh chungchangah LE&IT Minister Lalrinmawia Ralte leh Mizoram Youth Commission Chairman T.Sangkunga te chu a mawhphurtu an ni tiin bang ngei turin an phut. Nimina thuchhuah an siamah MNYF chuan inremna ziah laia LE&IT Director leh MBOCWWB Secretary ni mek Rotluanga suspend ringawt chu sawrkar thiltih sual thupna leh an hmaibal phihfai nana Zoram mipuite rilru hruaipen tumna mai niin an sawi bawk. ZNP Thalai pawhin thuchhuah siamin khatih laia LE&IT Director suspend ringawt chu sawrkarin a tihtur a la ti famkim tawklo an tih thu an sawi a.  MYC Chairman T Sangkunga chu a mawhphurtu ah an ngai nia sawiin ban tir ngei turin ZNP Thalai chuan sawrkar an phut tih an sawi bawk.