Mizoram University (MZU) Incubation Centre, Mizoram State Entrepreneurship Development Monitoring Committee (MEDMOC) leh Zonet tangkawp te chuan reality show thar ‘Minute Khat Pheichham’ chu tunlai hian buaipui mekin tihchhuah thuai tum a ni a, he show hi ‘business idea competition’ niin tunah hian a tel duh tan dilna thehluh hun hawn mek a ni.

Sumdawnna ‘idea’ thar neite chu Minute Khat Pheichham ah hian tel turin organiser te chuan an sawm a, a ti tha te lawmman pek an ni dawn a. 1-na Rs 1,00,000/-, 2-na Rs 40,000, 3-na Rs 20,000 leh Consolation Prize Rs 2,000 a awm bawk ang. 

Minute Khat Pheichham reality show-ah hian minute khat chhungin sumdawnna ‘idea’ thar sawi tur a ni dawn a, endiktu lamin tha an tih te an thlang dawn a ni. Sumdawnna lama tawnhriat neih leh neih lohin kawngro a su dawn lo a, ‘idea’ neih that a pawimawh ber zawk dawn a ni. Show-a inlan hma hian boot camp leh grooming session neih tur niin, hei hi hlawk thlak thei ang bera buatsaih tum niin mi thiamten an ho ang.

He show in a tum ber chu thluak them thiam mahni kutkawih ngeia sumdawnna (entrepreneurship) lama ke pen tum leh a tuimi te tana awareness tha zawk siam sak a, tawn hriat peka an tel hma aia an tel hnua hlawkna chhar tir a ni.

He reality show atana dilna (application) thehlut duhte tan June,2021 chhung hawn a ni a, https://incubemzu.com/pheichham/ a luh tura a ni a, form ziah khah tur tul angte tih hnuah ‘submit’ hmeh tur a ni. Application form hi screening hmasa atana hman nghal tur a ni bawk ang. Phone - 9436155847 ah harsatna nei tan zawhchian theih a ni bawk.