Rafael Nadal leh Daniil Medvedev te chuan vawiin chawhnu dar 2:00 hian Australian Open mipa final an khel ve thung dawn a, Grand Slam tum 21 chawi tawh Nadal-a hmaa ding tur hi world number 2 ni mek Medvedev-a nih vangin chak zawk tur sawi lawk mai theih a ni lo. 

Tun tournamentah hian tunlai tennis star lar zingah chuan Nadal hi atir atanga che fuh chho ber zing ami a ni a, a elpui ber pahnih Roger Federer leh Novak Djokovic te aia Grand Slam title lak tam ngei a tum ruh hle ang. 

Final chungchang sawiin Nadal chuan, “Final hi chu thil thleng tur sawi lawk ngawt theih a ni lo. Tupawh hmachhawn ila theih tawp chhuah a ni tawp mai,” a ti.