October 3, 2023; Mizoram police te chuan kum tlinglo, mipat hmeichhiat kaihhnawiha chhawr leh tihkhawhloh chungchangah mi 5 an man.

Police thuchhuah tarlan danin, Cyber Crime Police Station, CID Crime, Saitual Police leh Lunglei Police te'n ni 26.9. 2023 khan beihpui thlakin, kum tlinglo te bawlhlawh taka hmeichiat mipatna kaihnawiha chhawr leh tihkhawloh chungchang thlalak emaw video vawn that leh social media a thehdarh chungchangah, Mizoram hmun hrang hrang atangin mi 5 inhnamhnawihna chhuichhuah a ni.

Cyber Crime Police te hmalakna in Aizawl atangin mi 3, Saitual PS leh Lunglei PS hmalakna in mi 1 ve ve, an vaiin mi 5 tih tisualtu ngeia hriatte chhuichhuah an ni a, an mobile phone te pawh hnuchhui zelna atan hrensak an ni bawk. Heng mi 5 te hi criminal case siam sak niin, uluk taka chhui zui an ni.