Aizawl: ZPM Chief Ministerial Candidate Lalduhoma chuan, “Tuna Zoram mipui beidawng mekte hi kan hruaitu pahnihte tihbeidawn an ni,” a ti. Nimina Tuirial leh Kawnpui bial Tangrual Pawl Campaign Office hawnna inkhawmah he thu hi sawiin Lalduhoma chuan, “Sawhthing leh Hmunphiah hralh chungchangah gate-a chhiah an la thin hi ZPM sorkar hnuaiah chuan ‘Tax Holiday’ kan puang ang,” a ti. Lalduhoma chuan, “Pu Thena’n kum tam tak liam taa a lo aupui tawh, vawiin ni thlenga la tihhlawhtlin la ni lo, Six Basic Needs hi ZPM a lo sawrkar a nih chuan kan tihlawhtling ngei dawn a ni,” a ti a. “Power-a kan intodelh theih nan Hydroelectric Power leh Solar energy tangkawpin Mizoram mamawh power-a intodelhtir ngei kan tum a. Kalphung thar mipui sorkar kan din dâwn, party sawrkar kan hrawn a, Congress leh MNF damdawi kan ngeih lo, damdawi thar i ei tawh ang u, thlawhkhum development kalsan a hun tawh a ni,” a ti bawk.