Aizawl: PRISM chuan Mizoram sawrkar hnathawk ten 7th pay anga hlawh lak an ngiat mek chungchangah zau taka mipuite rawn an duh tih an sawi. Thuchhuah an siamah PRISM chuan 7th pay anga sawrkar hnathawkte hlawh pek chu Mizoram sawrkar pawhin a ngaihtuah mek nia an hriat thu sawiin 7th Pay hman hian Mizoram budget leh economy a nghawng nasa dawn a, tuna Mizoram sawrkar sum dinhmun en chuan 7th pay anga hnathawkte hlawh pek chiah kan ngai lo a ni tiin Pay commission te dinin hlawh bi te siamthat nise an duh tih an sawi bawk.