October 14, 2023; Zodin, AR canteen gate (canteen kual) a 'pedestrian flyover bridge' chhuat phah chu hmun thenkhat lai tui ek vangin a pawp nasa viau tawh a, vanduai palhah chetsualna thleng thei niin, veivah a tinuam lo hle.

ZALEN in a hmuh danin, flyover bridge chhuat phah hi a vai a tui ek chu a la ni lo a, hetihlai hian hmun thenkhat lai te chu a tui ek nasa viau tawh a, veivak te tan a him loh palh theih bakah, veivah a ti nuamlo hle. Helai hmun bakah hian Bazar Bungkawn a flyover bridge chhuat pawh hmun thenkhat lai a tui ek nual tawh bawk.

Aizawl-ah flyover bridge sawi tham a la awm lo a, helai hmun hnih a flyover bridge te hi a tangkai bakah, khawpui cheimawi tu langsar tak a nih vangin, a ranglamin a chhuat hi thlak theih nise tih chu ZALEN hmuh dan a ni.

Canteen kual a flyover bridge hi Rs. Nuai 85 chuang senga Aizawl Municipal Corporation (AMC) siam niin, ni 21.12.2016 khan AMC Mayor in a hawng a, brige hi NECS in an dawh niin, mihring pung zel tur pawh dawlzo tur leh lirnghing leh tek lakah pawh him tura siam a ni