ZALEN, November 24, 2025: Kar liam ta chhunga Mizoram State Mixed Martial Arts Association (MISMA) huaihawt, Zo Fight Promotions 9th Mizoram State Mixed Martial Arts Championship, 2025-ah gold medal 16 latu, SPES Martial Arts Academy, Dawrpui, Aizawl chu team champion an ni.

‘Best fighter’ atan Lalnunsanga, Chawnpui, SPES Academy chu thlan a ni a. Inelna tawp zana neih, Mizoram Fighting Championship (MFC) ‘fighter of the night’ atan Lalramsangliana, Bawngkawn South, SPES Academy chu thlan a ni bawk.

Mizoram State Mixed Martial Arts Championship hi kar kal ta Thawhtanni atang khan LPS Arena, Falkland, Aizawla khelh tan niin a tawp zan, Zirtawpni zan khan state dang pathum - Assam, Manipur leh Tripura atanga chah luh fighter-te telna, MFC-a insual pasarih awm hmangin inelna hi khar a ni.

Championship-ah hian district pariat atangin fighter 78 an tel a, MISMA-a inziak lut club atang bakah inziak lut lo club leh mi mala tel eng emaw zat an awm a. Olympic Council of Asia-in youth rules (kum 10-17 inkar tan) a pawm zulzuiin naupang tan fight ruahman ve niin kum 10 hnuai lam exhibition bout pahnih a awm bawk ni.

MISMA President T. Lalrinpuia chuan Mizo fighter-te theihna a san tawh thu leh MMA-a kawng hnih, amateur line - Asian Games thleng khelh theih, emaw professional line-ah emaw fighter-te chu an inlan theih nan chawi kang zel turin hma lak an tum thu a sawi.

General Secretary Samuel Lalrozama pawhin an pawl hruaitute inpekna a sanzia sawiin fighter-ten ram pum huap inepna an khelh theih nan leh fight night siam nan an chet chhuah mai thin thu a sawi a, tuna event an huaihawt pahnih pawh main sponsor, Zo Fight Promotions-a an CEO chu an senior vice president, Dr Jeremy L Pautu a nih thu a sawi.

Ani bakah hian hruaitu dangten an company/dawr (Netsurf, RTZ Enterprise, Hotel Platinum, Shop XIX, RK Digitals) hmingin an sponsor ve bawk thin a, an inpekna a sang hle tih a sawi a. Kum tharah pawh Mizoram chhunga thalaite tan amateur leh professional platform buatsaih chhoh zel a tum thu a sawi bawk.

STATE CHAMPIONSHIP RESULT:

1. SPES Martial Arts Academy G-16 S-7 B-2 T-25 

2. PMS MMA Academy G-7 S-9 B-4 T-20 

3. Lunglei District MMA Association G-3 S-1 B-0 T-4 

4. CT Academy G-1 S-0 B-0 T-1 

5. Origin Gym G-0 S-1 B-0 T--1 

6. Alpha MMA & Fitness Gym G-0 S-0 B-1 T-1

WEIGHT CHAMPION:

Senior Male:

Straw Vanlalremruatpuia, PMS 

Bantam Israel Lalrinawma, SPES, 

Feather Lalnunsanga, SPES 

Light David Lalmalsawma, SPES, 

Superlight Vanlaldingngheta, SPES,

Super Welter Lalhriattira, Indiv 

Senior Female:

Atom Elizabeth Kawngkharmawii, LUMMAA 

Straw Lalramhlimpuii, LUMMAA 

Feather Rudy Lalhmingmuani, CT Academy

Junior (Under 21 years):

Straw Francis Lalremruata, LUMMAA 

Fly Jacob Vanlalrinliana, SPES

Bantam Lalramsanglian, SPES

Feather K.Lalrinhlua, SPES

Youth (16-17 years):

Atom Zakaria Lalthuammawia, PMS 

Fly Samuel Vanlalhruaizela , PMS 

14-15 years 

-31 kgs Jeho Vanlalchhanchhuaha, PMS

-44 kgs S.Lalremsanga, SPES

Atom Benjamin C Lalrempuia, SPES

Straw Zorammawia, SPES

Fly Lalbiakkima, SPES 

Bantam Wilson Lalpiantluanga, SPES

Feather C. Lalawmpuia, SPES

Youth 12 - 13 years

-31 kgs Hmangaihsanga, PMS 

Youth 10-11 years

-31 kgs Timothy Lalhriatmawia, SPES 

Youth 10-11 years female

-32 kgs Charlene Remruatkimi, PMS 

Youth -10 years

Exhibition bout 

-40 kgs Valerie Lalhmangaihsangi, PMS 

-22 kgs Invictus Zothanmawia, SPES 

MFC RESULTS:

Bout No.1 Super Welterweight 

Lalhriattira def. HMS Dawngzuala by Split Decision 

Bout No.2 Bantamweight 

Israel Lalrinawma def. Lalnunpuia by Split Decision 

Bout No.3 Bantamweight 

Lalramsangliana def. Lalrindika by Submission (Armbar) 

Bout No.4 Lightweight 

David Vanlalmalsawma def. aldrin Vanlalruatsanga by Split Decision 

Bout No.5 Strawweight 

Biaklawmthara def. GandhiLal Debbarma by Unanimous Decision 

Bout No.6 Featherweight (Co-Main event) 

Lalnunsanga def. Thangsuanmuan by Unanimous Decision 

Bout No.7 Main Event 

Reyan Gogoi def. Lalhmangaihzuala by Unanimous Decision