Diktawn Monthly Magazine chuan kum tina an lo tih thin angin Miss Chapchar Kut an thlang leh mek a, Chapchar Kut lawmna pui ber A.R Lammual-a kalte atangin an thlifim chho mek. Kut chhimtu zing atang hian nula hleitling leh hmeltha mi 80 vel an thur chhuak a, heng mite hi endiktute hmaah inlan lehin a tha zual mi 20 thlan chhuah an ni. 

Top 36

Scout ten an thlan chhuahte hi Hawla Auditorium-ah khungkhawm an ni a, an vai hian endiktute hmaah an inlan. Heta tang hian a tha zual mi 36 thlan chhuah an ni a, a hnuah ennawn lehin mi 10 vel thlan belh leh an ni. Heng thlan chhuahte hi endiktuten chiang zawkin an zirchiang leh a, beiseiawm zual mi 20 an thlang chhuak leh ta a ni. 

Top 10

Top 20 te hi kawng hrang hrangin belhchian an ni leh a, a tha zual mi 13 (Top 10) thlan chhuah leh an ni. Top 10 atang hian top 5 thlan chhuah leh niin, top 5-ah hian mi 6 an lang a, Miss Chapchar Kut Instagram page-ah vote theih a ni. 

Top 5 atang hian Miss Chapchar Kut 2024 thlan chhuah a ni ang a, March 15, 2024 khian Vanapa Hall-ah result puan leh lawmman semna hun hman a ni ang. Miss Chapchar Kut 2024 hian lawmman atan pawisa fai Rs. 50,000/- bakah photo frame, citation leh thilpek dang thahnem tak a dawng dawn a ni. 

Laltanpuii, Tuikual North

Vanlalzami, Venghnuai

Rita Lalnunthari, Kulikawn West/Hmunlai

KC Remruatfeli, Chhinga Veng

Lalmalsawmi, Ramthar

Dr. Christina Lalniengi, Chanmari West