Aizawl April 17, 2024 : Miss Mizoram 2024 thlanna kal mek chu tluang taka kalpui mek a ni. Miss Mizoram 2024 chuan lawmmanah Rs 2,00,000 bakah, Vespa scooter a dawng dawn.

Miss Mizoram 2024 lawmman turte tihchian a ni ta a; Miss Mizoram 2024 atana thlan chuan Rs 2,00,000 leh Vespa scooter a dawn dawn bakah, main sponsor - Women & Child Development (WCD) department-in ambassador atan an hmang nghal dawn bawk.

Pahnihna (1st runners up)-in Rs 1,00,000 a dawng dawn a, pathumnain Rs 50,000 a dawng ang. Pakhatna atanga pathumnate hi Lash Studio chuan hamthatna an pe vek bawk ang.

Heng bakah hian Top 5-a tlingte, Top 10-a tling te, Finalist-te leh Sub-Title lawmman dawngtute hnenah lawmman pawisa pek a ni dawn. Lawmman atana pawisa fai pek chhuah tur zawng zawng chu Rs 6,55,000 a ni.

Miss Mizoram contestant-te hi April 16, 2024 (Thawhlehni) khan resort wear shooting tihpui an ni a; main sponsor WCD department-in vawiin April 17 hian an hmalaknate an hrilhfiah bakah, an hnathawhna hmunhmate an fanpui. Co-sponsor PHE department hoin hun an la hmangho leh bawk ang.

Miss Mizoram 2024-ah hian April 23, 2024-ah Sub-Title lawmmante sem a ni dawn a, April 26, 2024 zanah Grand Finale neih a ni ang.

MISS MIZORAM 2024 LAWMMAN

Winner    : Rs 2,00,000 + Vespa Scooter + WCD Ambassador + Lash Studio Deal

1st Runners-Up   : Rs 1,00,000 + Lash Studio Deal

2nd Runners-Up  : Rs 50,000 + Lash Studio Deal

Top-5    : Rs 25,000 each

Top-10    : Rs 15,000 each

Finalist    : Rs 10,000 each

Subtitle    : Rs 10,000 each